Dopo no steve a lamentar…

Timisoara- 26 dicembre 1989- Carri armati in piazza dopo la caduta del dittatore Ceausescu-

Cari Elettori de Codognè,

No son drio parlar co quei schieradi, co na lista o co que l'altra…ma me rivolge ai indecisi…e ghe no vist pi de un  in giro sti giorni….

Doman e dopodoman ghe sarà da votar par l'elesion del novo sindaco de Codognè..

La critica che o' sentì pi spess, l'è  questa " Ma sto Bet…chi lo conosse"

Risponde cussì: " Anca mi nol conossee fin a qualche mese fa, ma adess, posse dir che ò vu al temp (e la fortuna) de starghe vizin, e credeme, Bet Roberto al à tutte le carte in regola par esser un bonissimo lider del paese.

Intanto par scominziar, l'à capì che una dee risorse pi importanti de un paese le i fioi picoli.

Aiutar i asili l'è na roba che la pasada aministrazion l'à assà un po da parte…e adess che no i vegne a pianzer che no i vea i schei…..se na roba se vol farla veramente se ghe trova la maniera, co un pocc de bon senso… Alora senza trovarghe massa scuse, demoghe un bel tajo e disemoghe basta…stop!

A scuse. Fen le robe concrete in te un paese: Adsl, Sistemen i parchi gioco, demoghe na man a chi che a bisogno a risolver i so problemi de ogni di.. iuten i zoveni, fen na cultura verta a tuti, sponsorizando i artisti locali (si si ghe nè anca a Codognè) Denghe na man a Luca Zaia a crear un teritorio in provincia de Treviso, dove che no ghe sia pi la sinistra che la à combinà solche che disastri, e che dess che no i sà pì dove picarse i comincia a ofender e a criticar in veze de far "mea culpa"

Roberto l'è na brava persona….mi ò cercà de darghe na man dove che ò podest, parchè l'è un zoven

ma l'à anca tanta bona voja de far ben, e el  bon senso nol ghe manca de sicuro….

E pò..l'è na prova che podè far pa i prosimi quatro ani…se nol fa ben inveze de confermarlo se lo cambia…ma una posibilità bisogna pur darghela..

Al varà imparà calcossa in diese ani de consiglier comunal…e come consiglier provincial sote de Luca Zaia a Treviso..

L'è avvocato, l'è zoven e de bona volontà. A l'è nostran… e se te lo conosse l'è simpatico.. Al par un poc timido, ma co l'à ciapà el via, l'è come un landini…no te lo ferma pì.

Questo l'è el me apello..votè Bet…. Se vinze quei altri, dopo no steve lamentar….. .

E dopo l'è tuti che altri candidati…ognun l'è libero de sceglierghenen un sol… Basta scriver al Cognome soto al simbolo dela lista n.1 "Uniti per Codognè".. Se qualcun l'à el stesso cognome, bisogna scriver el nome e el cognome  (come nel caso dea Lisa Tommasella -con due emme-).

Alora se veden martì, apena saven i risultadi dee votazion…. IN BOCA AL LUPO  Roberto…deventa el nostro sindaco.

(pio dal cin)tutti i diritti riservati °2009copyright foto ed articolo- riproduzione vietata-