Zent de Codognè….

F1000136 Una de le persone che me ricorde co tant piazer l'è Gino Lot.

Un Scarper co la S maiuscola de quei de na volta che ormai i à butà via el stamp….

Gino l'era anca un de i pi bravi pescadori de Codognè e quando che lu al 'ndea a pescar nol tornea mai a man vode.

Un dì, come tante altre volte son ndat dentro al so boteghin in via aldo moro, e ghe ho fatt ste foto che vedè qua'.F1000132

Gino Lot… una brava persona de Codognè. 

Naltra persona ala quale ere veramente affezionà l'era la Beppa Tonelo. L'era na veceta simpatica che la stea in te che la casa vecia che i à butà zo prima de rivar dal municipio sula destra, dopo passa' el negozio de barbier de Adelfio.

La Beppa la vegnea ogni tant a trovarne a casa e la ne contea la storia del "Barba Zucon" che a noialtri boce la ne piasea tant parchè la ne fea paura ma dopo la ndea a finir ben.

Prima che la andesse in paradiso  ho avu' la fortuna de poderghe scatar qualche foto…eccole quà le divide co chi che à la bontà e el temp de vegnerme a lezer de tant in tant…F1000128

Benedeto inveze l'era un "ragazzo del 99" Co na memoria de fero….al se ricordea tutte le fasi de le battaglie che el vea fatt sul piave  e i ultimi ani de la so vita al ndea sempre (al di del so compleano) a butar un mazz de fiori sula Piave par ricordar i so amighi.

L'ho conossu' quande che el vegnea da me papà a darghe na man co un vecio torcio..lu e anca al Bocio Zaia a far al vin bon…F1000116 F1000119

Qua soto inveze l'è un grupo de residenti del "Bar de Spin" in tel palu' a fianco del capitel de la Madona.

Na volta me ricorde i fea na bea sagra del Palu, co l'albero dea cucagna… Sarie bel tornar a ripristinar

i veci modi le vecie abitudini  e magari anca le sagre che le fea star insieme la zent…F1000003  

E par concluder sto post…na bea RIDESTA…..  Me zio Gino Dal Cin… Me zio don Valentino Dal Cin e

me papà  Narciso Dal Cin che al me à trasmess al "virus" dea fotografia assieme a me mama Teresa.F1000110

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.