Ala matina, co me alzee prestissimo par andar a lavorar, l'era come se me preparesse par ndar al cinema. La zent che ciolee su col taxi la me contea le so storie…chi bele, chi brute, ma tute contade sempre co l'idea che i no me varia pì incontrà, e quindi in te la total sincerità.

A volte se parlea, a volte no, ma l'umanità che ò vist guidando al taxi in florida no me la desmentegherò mai e a me fia, zerte sere, ghe conte le storie vere che me à tocà, e a volte le è pi bele le storie vere de quele inventade…parchè la vita la supera de gran lunga la "fiction" par imaginazion e trama.

Anca i taxisti i vea le so storie…e tuti quanti vessi un soranome… (el mio era "golden arm" "braccio d'oro- chi che me conosse i capisse parchè) A nissun ghe dea fastidio el soranome, anca se a volte al podea sembrar cativo, al rifletea sempre na parte del carattere, un difeto, o calcossa altro